CC.

1347, März 2. Breslau.

Bischof Preczlaw von Breslau bezeugt die Prüfung von zwölf die Kirchen zu Würben und Frankenberg betreffenden Urkunden mit Angabe der Beschaffenheit der Siegel an denselben.

Nos Preczlaus dei gracia episcopus Wratislaviensis notum facimus omnibus et singulis in­specturis presentes litteras publice profitentes, nos vidisse et legisse quasdam litteras, numero duodecim, quarum uni scilicet maiori est appensum in corda sericea sigillum domini Henrici olim episcopi Wratislaviensis, in facie habens ceram viridem et a tergo communem. Secunda vero littera habebat duo sigilla in serico pendencia, in facie viridem ceram et a tergo communem habencia, quorum unum fuit dicti domini Henrici olim episcopi et aliud . . capituli ecclesie Wratislaviensis, que ambe tractant de incorporacione quorundam reddituum ecclesie in Wyrbna. Item tertia littera fuit quedam recognicio et renunciacio dictorum reddituum, facta coram Conrado doctore decretorum canonico et officiali Wratislaviensi, cuius sigillum in pressulla pergameni erat appensum, habens ad faciem ceram rubeam et a tergo communem. Item quarta littera fuit quedam renunciacio dicte ecclesie in Wyrbna seu Wirbyn, facta per dominum Johannem quondam re­ctorem eiusdem, coram Henrico de Baruth preposito et Apeczcone scolastico Wratislaviensibus administratoribus in spiritualibus per nos deputatis, habens duo sigilla in pressulis pergameni pendencia, quorum unum, scilicet Henrici prepositi ceram viridem et aliud scilicet Apeczconis scolastici rubeam ad faciem habebant et communem a tergo. Item quinta littera fuit quedam investi­tura de dicta ecclesia in Wirbyn, in carta papirea scripta, qui duo sigilla dictorum Henrici prepositi et Apeczconis administratorum erant, unum de cera viridi et aliud de rubea a tergo compressa. Alie vero scripte littere, omnes in pergameno scripte, tractant de investituris et missione in corporalem possessionem ecclesie in Frankynberc nostre dyocesis, excepta una earum, que narrat renunciacionem de dicta ecclesia per quendam Johannem factam; cui nostrum sigillum de cera communi in pergameni pressula est appensum. Item alteri littere sigillum domini Thome oblonge figure de cera communi, item alteri sigillum prefati domini Henrici rotunde figure et de cera communi, item alteri sigillum domini Nankeri rotunde figure de cera rubea, olim episcoporum Wratislaviensium, in pergameni pressulis fuerunt appensa. Item alteri littere Henrici pre­positi et Conradi canonici et officialis olim administratorum erant duo sigilla appensa, habencia ad faciem viridem et a tergo ceram communem. Item alteri littere dictorum Henrici et Apezconis administratorum erant duo sigilla, unum de viridi et aliud de rubea cera, ad tergum appensa. Item alii littere ex parte dictorum Henrici et Conradi eciam administratorum scripte unum sigillum de cera viridi fuit appensum. Que quidem omnia sigilla predicta perfecta noscimus et ea esse vera publice profitemur, excepto dumtaxat sigillo dicti domini Thome Vim episcope Wrat., quod eciam credimus suum verum fuisse. In cuius rei testimonium sigillum nostrum maius presentibus est appensum. Actum et datum Wratislavie VI° Nonas Marcii anno domini M° CCC° XL septimo; presentibus honorabilibus viris dominis: Johanne Glogoviensi, Henrico de Bancz Legnicensi archidiaconis, Henrico de Glogovia, canonicis nostris Wratislaviensibus; necnon strenuo milite, domino Henrico de Bebyrsten, Conrado plebano de Thurow Wratislaviensis dyocesis, et aliis pluribus fidedignis.

Or. Perg. Grüssau 86 im Staatsarchive. Das an einem Pergamentstreifen befestigt gewesene S. fehlt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.